聖誕節過後的皮膚保養，阿律最愛7種不同品牌的沖洗式保濕MASK推介 ! + 近況 !

首先講下近況，

話咁快聖誕又到，貶下眼咁又一年

真係唔知點解年年聖誕節的係咁忙

最近轉了新工作環境, 人工福利全部升呢，真是一份好開心的聖誕禮物

因為靠自己努力嘛 !

另外好匆忙去了北京一趟，真係累爆 !

所以今年仍然想早點為聖誕節預備一下的東西通通無時間做

UPDATE ZTYLE BLOG都無時間, OH NO !! STATUS 變到呢.....要加油 !!

真係好想可以十二月至農曆新年可放個寒假

可以他他條條享受一下節日

不用趕頭趕命去買禮物

其實好想為身邊的人挑選一份我送得開心, 對方又收得開心的禮物

無奈次次都係求其買左, 或者過哂boxing day 才買....

想可以多d時間看下那裡有好吃的自助餐

不是求求其其吃了就算

想可以編排一下和家人和朋友的節目

真係好想可以係咁，發生這件事的可能性應該係退休唔洗撈 !!

 

講回今次的題目先，聖誕這幾天真係很乾燥

乾到粉底都唔上面，阿律平日最喜歡敷沖洗式保濕MASK

WHY? 因為啱哂我這個超級懶人，最喜歡一路沖涼一路敷，有蒸汽幫助下吸收

沖完涼順便洗埋好方便，這幾天天氣咁寒

敷一塊塊的面膜我覺得好凍，唔知有無人覺得呢?

加上聖誕節過後，玩通宵化濃妝皮膚都乾哂

以下介紹的是阿律一向用開的MASK, 好用的才推介比各位姊妹

ORIGINS 這牌子以前用過它的爽膚水，因為那時發覺支爽膚水有酒精
BLACKLIST 左無用了, 已經很久之前, 現在應該無出了
直至ORIGINS出了這兩支MASK我先用回這牌子
分別係ORIGINS DRINK UP INTENSIVE OVERNIGHT MASK 和
ORIGINS DRINK UP 10 MINUTE MASK
綠色那支是可睡覺前搽上面，睡醒才沖洗
我覺得真係超正架，真係好潤, 好上粉，但係有樣不好它有一陣好香的味道
本人個人問題瞓覺時不知為何聞到它的香味變得好精神
係瞓唔著....這件事都幾大鑊, 雖然它真係好潤好潤, 味道有待改善....
可能其他人用係無問題, 是只有我吧...

OVERNIGHT 那支唧出來是黃黃地色

白色那支唧出來是白色的，其實我覺得二支的味道完全係一樣
功能也是差不多，用完都係咁潤, 有時二支都會用來沖涼時用
而OVERNIGHT那支真係敷過夜的, 潤的程度時間係長點。

另外這支CLINIQUE SKIN CALMING MOISTURE MASK 我己用了二支了
曾幾何時是CLINIQUE 的粉絲，皮膚較敏感的很啱用，沒什麼香味, 沖涼時敷很吸收
發覺KEEP住用起少左點暗粒, 勤力用真係有用 !!

唧出來係白白地色, OK唔錯架 !
另外這盒LANEIGE WATER SLEEPING PACK 都好好用
搽了上面一陣皮膚已吸收左一部份，味道香, 但不是咁大陣香味
如果用ORIGINS DRINK UP INTENSIVE OVERNIGHT MASK 比較
ORIGINS 比較"張" 實塊面，和油點, 潤的程度比LANEIGE 高，ORIGINS有少少拿拿地
LANEIGE 較爽一點，都保濕, 敷過夜的保濕程度較高，十分鐘就唔夠保濕，皮膚較敏感都啱用
因為一點也不拿, 較温和一點。

比GEL較稀的質地，好易搽上面 !

JUICE BEAUTY 一向以有機護膚品作招來，
這支JUICE BEAUTY GREEN APPLE HYDRATION MASK
真係有陣陣的青蘋果香味，搽上面敷完洗乾淨後感覺較爽
可能沒有下太多化學成份，沒有好像有種好滑洗不清的感覺，
所以好像保濕感覺無咁多，其實它應該保濕了
本人喜歡有機東西, 買來試下都不錯的選擇

以下三包都是一些沖洗式的MASK, 本人對APIVITA 這品牌不算太熟悉
只知道它用很多天然的東西作護膚品
這幾包一直放置家中無用, 某天突然見到它
咁就開來試試，上之試了橙的面膜, 唔記得係咪保濕
敷完感覺良好, 很喜歡它有咁多款唔同功能不同味道的mask
下次再出多篇blog 介紹下此品牌的mask 先 !

仲有，以下那盒Loccitane Honey Comfort mask 係超好用, 超潤簡直愛爆
keep 住用暗瘡都生少左 !
可惜...佢已經無出.............那時用哂無得買返, 激死 !!!


希望它會再捲土從來 !! 哈 !
分享完畢, 喜歡的就推下我啦, bye !

超超超超保濕! 今個冬季必定要有一支O' Naomi 透明質酸抗敏補濕沐浴露旁身!!

最近買左這支O' Naomi 透明質酸抗敏補濕沐浴露試下，

見它說明含有透明質酸，急不及待買來試試，

平時一向覺得透明質酸用於護膚品，如保濕gel和MASK

估不到透明質酸已經進展到除了可以保濕外，還可以用作清潔身體用途

這支O'Naomi 透明質酸抗敏補濕沐浴露

 

 

是全港革命性首創第一支含有透明質酸的沐浴露，

將高濃度的透明質酸注入肌膚底層，

温和地將500倍水分注入肌膚後形成一層幼滑鎖水膜，

而且一踏入冬季，皮膚乾燥之餘又特別敏感，

O'Naomi 這支新發明係抗敏架，真係唔怕用左身癢癢，

O'Naomi 透明質酸抗敏補濕沐浴露好大支，有成600ml，

它的主要成份有透明質酸、SLES Free (Sodium LaurethSulfate)、蘆薈及海藻精華

一看它的成份，樣樣都係保濕，可能大家不知什麼叫做SLES

SLES是一仲普遍沐浴露所含的成份，它是會帶走肌膚水份和損壞肌膚天然保護膜

而O'Naomi 透明質酸抗敏補濕沐浴露不但絶對不含SLES，

而且不含致癌物質二噁烷，

這支不含有害物質又保濕的沐浴露，真係點可以家中沒有一支旁身?

唧出來的顏色是透明，味道很清新!

 

試下起泡先，以手掌上的份量加水，就搓出下圖手上的泡泡 !

我用它沖涼，把沖涼前及沖涼後的皮膚作對比，下圖的上部份是沖涼前小腿上的皮膚，
ZOOM近看真係好乾，有龜裂和脫皮現象

下圖是沖完涼後一小時的現象，沒有搽上任何潤膚露，

用稍為熱的熱水沖涼，再隔了一小時都可以無沖涼前咁乾，

龜裂和脫皮現象明顯減少了，證明這支O'Naomi 透明質酸抗敏補濕沐浴露真係有它的保濕作用，

所以今個冬季點可以沒有它呢?

今次分享完畢，喜歡我這篇BLOG就推下我啦，

BYE !!

這個冬天不怕乾! 水嫩嫩的BB唇 !見到都要鍚你一啖 !

好開心被抽中獲得試用，真的要多謝Ztyle 和 ettusais 給予機會 !

其實我係ettusais的小粉絲來，一向有用開ettusais 的護膚品，

今次試到ettusais lip essence (deep moist) 正合我需要!

因為這支一來未試過，同埋這支是經北海道極地測試，我一向有咀唇超乾的問題，

乾的程度是一年三百六十五日都是潤唇膏不離身的人，

如當天沒有帶出街，感覺就好像沒帶電話般，周身不聚財

即使夏天都要搽，如不搽個咀可以乾到脫皮, 好辛苦，

如果在冬天再乾點, 一說話可以流血，仲要唇部皮膚好容易敏感

如一搽了不適合的口紅或唇彩，如不用潤唇膏保護住，可以脫皮脫足幾天，

真係好慘 !

今次有二支潤唇孖寶真係無有怕

包括水潤修謢唇膏 ettusais lip essence (stick) 及

極潤版唇部修護精華 ettusais lip essence (deep moist)

二支的包裝粉紅色都特別BB過人，好靚靚 !
極潤版唇部修護精華唧出來是帶有少少粉紅色的
而水潤修謢唇膏也是有少少粉紅至肉色

首先比大家看下的的脫皮唇 !! oh on !!

首先試下支水潤修謢唇膏 ettusais lip essence (stick) 先

搽搽搽 !! 這支最適合作搽口紅打底，因為它搽上唇上質地較薄身，

它有高度保濕成份(透明質酸)，滋潤成份(甘油)及橘皮醣為唇部提供源源不絶的水份，預防脫皮和粗糙

蘊含hyper gloss oil 滋潤成份能緊貼雙唇，保持all day 水噹噹 !

仲有它含有珍珠粉紅粒子，可淡化唇紋，仲有防哂功能SPF 18 PA++

這麼多好處點可以無它?

喜歡它沒有香料成份，啱哂我這些敏感皮膚人士 !!

另外試下這支極潤版唇部修護精華 ettusais lip essence (deep moist) 真係勁野嚟 !
因為它經過日本北海道極地測試，含高效保濕成份 (透明質酸、蜜糖、甘油及橘皮醣)，防止脫皮和粗糙
時刻粉紅幼嫩 ! 含大量hyper gloss oil, 加強豐厚滋潤質感，長時間保持雙唇光澤潤澤
還含有防哂配方和無香料 !!

又搽搽搽 !!
超喜歡極潤版唇部修護精華 ettusais lip essence (deep moist)
因為它真是超潤，搽了很有光澤，它帶有少少粉紅色
可以用它當是搽了唇彩 !
簡直100分 !!

今次分享係咁多，再次多謝ztyle 及ettusais 給這次試用機會 !!
希望大家喜歡我的文章
bye !!

營造Natural Baby Pink 祼妝 ! 只要三件NARS單品就能做 !

首先多謝Ztyle 和 NARS 的試用機會，

好開心三件NARS 化妝品終於到手，急不及待要出文了 !

阿律化妝一向都是簡單自然為主!

今次收到NARS的化妝品，真係好適合平日去用，

Less Is More 都可以好Better 架 !

三件產品包括 :

NARS THE MULTIPLE # COPACABANA

NARS LIPGLOSS #CHIHUAHUA

NARS BLUSH #ORGASM

 

首先化上底妝再用NARS 的三件單品就可以化出Natural Baby Pink 祼妝!

NARS BLUSH #ORGASM 色是NARS品牌彩妝系列銷售之冠，不少荷里活明星都係佢 FANS

等我試下此胭脂有幾好用先，望上去顏色較深的粉紅，但搽上面上顏色好自然，胭脂色好易上色，也很貼服，

而且顏色又靚，用化妝掃點少少就可掃上面，

立即為妝容變成粉粉嫩嫩的!

掃完粉底，再用NARS LIPGLOSS搽上唇上，一向唇彩都有很勁的香味
NARS的唇彩無香味，一點也不刺激，平時阿律搽一些有香味的唇彩會敏感然後勁脫皮
估唔到搽NARS的唇彩之後一日一點脫皮的現象都無，而且顏色又靚，好好用 !

唇彩質地較杰身，也很易推 !
輕輕掃一層，已經精精神神 !!

今次取了 NARS THE MULTIPLE # COPACABANA 色，THE MULTIPLE 本身有14隻顏色，

話明叫MULTIPLE 當然係可以多用途，它可用作眼影，胭脂和唇彩之用，

今次這色可作搽粉狀眼影時的BASE，可在T字位，下巴和面部作打亮效果，

使輪廓突出 !

因為COPACABANA 色較為淺色，可能看得不太清楚，我搽上了眼部，T字位和下巴，好明顯，五官的輪廓改善了 !!

營造Natural Baby Pink 祼妝話咁快就完成，係咪好EASY ?


好多謝THE ZTYLE.COM 和 NARS 給予今次的試用禮物 !
估唔到今次去取仲禮品仲有多支指甲油送，真係開心 !
喜歡我這篇BLOG就推下我啦，BYE BYE !!

給自已預支的聖誕禮物! 勁靚色甲油和香到暈的BODY LOTION !

平日化妝，碎粉是必備的，早前我的CLINIQUE 碎粉D孔竟然塞左

或是否潮濕令碎粉不能倒出來, 真激氣 !

今次升呢由CLINIQUE 變左做CHANEL

除了碎粉外.....還有限量版甲油和香到暈的BODY LOTION .....大出血 !!

講返盒CHANEL NATURAL FINISH LOSSE POWDER 碎粉先，見它幾滑和隻色又ok，最緊要夠大盒 !! 真係有排用 !平日化妝唔想太厚重，不想塞了毛孔容易形成粉刺，現在化妝STEP係搽上調色的防哂後，加上遮瑕遮了黑眼圈和印等，再撲上碎粉就OK了，碎粉好重要架....唔係好易溶妝同埋無咁易油笠笠 !!

CHANEL 出了三隻色限量版的甲油，好啱秋冬去搽，顏色好靚 !
我就揀左KHAKI ROSE 和 KHAKI VERT, 靚靚 !! KHAKI VERT隻軍綠色好鍾意，隻色好特別 !!

仲有這支新出的的CHANEL COCO MADEMOISELLE MOISTURIZING BODY LOTION
真係超香，香味這傢伙常常會帶人回憶以前的東西和事情，好神奇的，唔識講...CHANEL 這支給我好有親切感覺..
最搞笑的有次開了一支某牌子的LIPGLOSS，一聞就令我回想起兒時的膠公仔，陣味係一樣，LIPGLOSS = 膠公仔...驚驚 !!
當然個個人的口味唔同啦，客觀D講CHANEL 這支這味道不會好俗同老餅，20+ 可以的，少女用唔太啱，
它是乳液狀，好易推和吸收，搽左香噴噴，正 !!

分享完畢，喜歡的就推下我啦! BYE !!

去完NARS EVENT ~ 迷戀上NARS Cosmetics ! 教人如何不能擁有!

非常之榮幸獲得 theZtyle.com X NARS創辦人Francois Nars試用活動及聚會的邀請，

以前都有用過NARS的化妝品，但對NARS的認識不深，

好開心有此機會去深入了解!

於早一個星期已取了邀請咭，聚會地點位於中環IFC 的 THE FRENCH WINDOW，

 

到達IFC找了一陣子才找到門口，見到個NARS 的牌就知道在這兒了，



門口很美很高級，經過一條神秘通道入去會場，



入到會場已經人山人海，有很多BLOGGER 和傳媒已在場，各位美女都悉心打扮，美女雲集，好不熱鬧。



大約五分鐘後，主持人介紹了今天的主角NARS 創辦人 Mr. Francois Nars出場，
Mr. Francois Nars 於1984年移居到美國紐約。隨後為American Vogue, Harper’s Bazaar, Italian Vogue 及Elle等雜誌工作。Francois很快便成為一個擁有自我風格的新星。其後他的化妝技巧猶如施魔法般為設計師Bill Blass, Dolce & Gabbana, Alberta Ferretti, Genny, Marc Jacobs, Karl Lagerfeld, Anna Sui, Versace及Valentino設計刺激及時尚的面孔。
廣告客戶如Calvin Klein, Ralph Lauren, Versace 及Valentino及世界知名的攝影師Richard Avedon, Patrick Demarchelier, Steven Meisel, Helmut Newton, Irving Penn及Bruce Weber都分別與Francois有著緊密的合作。
Francois時尚化妝的理念一直都是具革命性。他相信化妝不是一個面具，而是令女人味發放異彩。從他著名的「自然外型」，經典高貴及「華麗奪目」的彩妝，可看出Francois的創作把容貌的美麗帶到新領域。名星的客戶包括Madonna, Sharon Stone, Lauren Hutton, Michelle Pfeiffer, Isabella Rosselini, Anjelica Houston及Catherine Deveuve等
於1994的11月，Francois在美國紐約Barneys推出一款取名為「NARS」的唇膏，唇膏的驚人銷量啟發Francois靈感去創作出全線的化妝系列，六年後NARS的名字最終在時尚的化妝品及生活風格的產品上佔一席位。



Mr. Francois Nars 那麼才華洋溢，大受歡迎，很多美女找他合照呢!



他很有善，來者不拒，非常有風度呢。



我都唔執輸，找到機會可和他來一張合照,
非常開心可以和這位有才華及有風度的Mr. Francois Nars 創辦人 合照 !
簡直夫復何求 !



在場環境布置得很美，放了不同年份NARS的作品，





桌上還有放了最新推出的NARS的化妝品，產品包括有三色眼影、兩色眼影、單色眼影、胭脂、指甲油、
口紅、唇彩等等，顏色很美，叫人愛不釋手，教人如何不能擁有?



很喜歡金色的眼影，很sharp, 胭脂顏色也不錯, 很自然的顏色。



很喜歡紫色的指甲油，很美!!



NARS 於冬日隆重誠獻限量珍藏版Bento Box 雙色唇膏禮盒，製作及包裝過程全由人手負責，手工精緻的啞黑色木製便當禮盒中放置兩隻圓形黑色陶瓷小杯，杯蓋刻上由人手雕塑 NARS 的品牌標誌，於杯內由人手親自鑄入如一般子彈型唇膏相同的重量及份量的啞色唇膏，加上頂級黑山羊毛製的 Kabuki 唇掃，結合成獨一無二的尊貴禮盒，全港限量發售 90 件。



在場有很多小吃及甜品招呼各位賓客。



還有果汁，餐酒，很好的招待 !



各Ztyle Blogger 圍埋一齊密密吃 !



很高興見到Blogger真身!



和她們影了很多合照 !



最後來一張大合照，各位美女如想取回照片可留下你的電郵比我喔 !!



紀念品未能帶它回家，稍後再補上吧，
今次真係好開心得到這邀請，可以享受到今次愉快的聚會
可以認識到不少Blogger 和可見到Mr. Francois Nars  的風采
多謝Ztyle 和 NARS 給予這次機會，
BYE !!