唔覺唔覺竟然我有數月無UPDATE 個BLOG
原因? 因為工作勁忙外，因舊患要密密做物理治療同運動
真係人都癩~
其實我很喜歡在ZTYLE打BLOG
有時有得參與下D活動都幾開心架
原來我在Ztyle 的日子已經有一年了
雖然這數月無打BLOG, 但仍然每日都有人來
真係好感動
現在盡量抽回多點時間打回BLOG
我要加油!
最近都無咩大事發生，只是出了部新玩具SAMSUNG GALAXYS II
出了大約一個月啦! 現在出埋白色TIM
但我喜歡黑色，所以無等到白色
身邊出SAMSUNG GALAXYS II的原因都係好多都係忍夠部IPHONE 3十級慢
同埋一些等唔到出IPHONE 5 既人就忍唔住出左了
我本身係用IPHONE 3, 係剛剛推出IPHONE 時第一代既人
那時IPHONE 3 價錢都頗貴時出, 現在TRADE回部IPHONE 3 出SAMSUNG GALAXYS II
都TRADE 左$1200 左右，如果市面推出IPHONE 5, 我部IPHONE 3真係一文不值
我本身用開3台, 因為發現3講電話時好唔穩定，在地鐵時常常CUT 線, 真係好鬼嬲
一氣之下轉了到SMARTONE
因為出了新電話時未轉到台，要等幾天才轉到SMARTONE
發現用SAMSUNG GALAXYS II 用3台都幾穩定，在公司接收訊號都有3至4格
但一轉到SmarTone，在公司接收訊號只有1至2格
這一下真係好大打擊，都唔知3一直呃緊我定係SMARTONE真實
雖然SmarTone接收訊號只有1至2格, 但都講到電話, 無斷線同上到網既, 哈!
等我講回部主角先SAMSUNG GALAXYS II (我唔係專業IT人，純粹一個普通用家分享)
它真係幾快既，上網唔會上上下突然斷左
開一個網頁都好快load 到全頁, 好爽架!
它這樣穩定，都可以隨時隨地update到ztyle blog架 !! 所有圖片都出到 !
它的機身真係好輕，但你無理由唔買機套保護它吧
加左機套都會重左dd, 機套選擇唔夠iphone 咁多,
但去先達買總會買到啱你心水既, 我就買左這個粉紅色，好靚靚架
這部電話既基本功能大致上全部都齊全，工作常用到的錄音，OFFICE。
影相有800萬像數，可拍影片，收音機都有
起初出這部機時擔心D APPS 選擇少
雖然它真係無IPHONE咁多，但都有其他GAME都夠你解下悶既
DL 所有APPS 係用MARKET
有D APPS 在IPHONE 係要比錢而這裡就不用付款, 如WHATSAPP 係免費既 !
我DL 左這些GAME都幾好玩架 !
另外改相的APPS 都幾多架，以下的都係免費的, 而且效果都不錯嘻!
另外都幾喜歡以下的APPS 的功能
Social Hub 可把你的EMAIL, MSG, 等等的訊息GROUP埋一齊, 唔洗走來走去囉
同埋以下的Perfect Applock 都好用，因有時有d私人東西唔想比人借你電話打時, 比人看到你自己d野
lock 住左佢就good 啦
另外粉粉手機日記本係一個好可愛的apps, 裡面好靚, 啱哂喜歡打blog 既人用
裡面可記錄你自己私人的東西
打日記的版面仲有好多款比你選擇
樣式好似小時愛買的信紙一樣咁cute
雖然這部機好處有好多，但世事無野係完美既.....................
它是有一個很大的缺點.........係一個電話唔應有既缺點
就係講電話既質素認真一般，唔用耳筒講電話時, 自己聽人地把聲就好清楚
但人地聽你把聲就好細聲，我本身都以為部機壞先係咁
但最後知道這是這部機本身的缺陷
但如我用耳筒講電話時，人地聽得清楚, 但自己在街外很嘈雜的環境下
可以話你知...........係完全聽唔到.............較到最大聲都係聽唔到...............
所以現在同自己講, "現在d電話都唔係用嚟講既 !" 咁個心會好過d
另外耳筒除了講電話好廢之外，聽歌質素的確麻麻，
iphone d 聲係好靚既，但它出來的聲音好似隔了一層東西咁
我換了iphone 耳筒去聽，效果好了點, 但質素都不及iphone
現在出的白色不知有無這問題, 哈哈, 祝大家好運
不過我都接受左它這缺點, 因為它的優點多過缺點
視付你如何取捨吧
分享暫時咁多
88
