話說，阿律有一陣子常去深水步珠仔街那邊逛街
有次肚餓未吃午餐，去了那間叫維記什麼店, 是吃豬潤面而聞名的
其實已經吃過一次了，都不是想像中的好
成碗面的面都係泡......味道不外如是.....但總是排長龍.....
因當天自己一人又不知吃什麼好，結果去了維記隔離那間面店，叫做口福小廚
這店好少人去食, 因為走哂去隔離嘛....
口福小廚係有二位老人家開店的，地方唔太大，但環境唔錯呢，因為有電視看!
這店主打有魚湯米線, 蕃茄米線等等
阿律就叫了蕃茄雞翼米線，估唔到這間不起眼的小店
個面好食到不得了，主要個湯底勁好味, 蕃茄味很濃, 唔酸唔甜，總言之好好味
雞翼也非常好吃
結果, 這間店成為了阿律到深水步的飯堂
無奈地.............隔了數個月再去, 竟然消失左，頂左比第二間面店...........
好似變了吃雲南咩米線.....問店中的員工本來的店去了那裡竟然唔答人, 可惡 !!
可能退休唔做啦, 可能搬左去其他區都未定.....有無人見過這間口福小廚的踪影????
以前曾在上環開店，之後才搬到深水步....
如果比我再見返這店，我一定問佢點解可煮到咁好味............
好失望之下，都有去過不同的面店吃蕃茄湯底的面
吃了數間都不及口福小廚.....
結果, 阿律試下自己整 !!
上網找資料，比我search 到水魚星球的blog
她介紹的完熟蕃茄磚好好味
咁我就買左來試下整 !!
目標係可以整到同口福小廚的味道接近 !!
第一次整係用取普通的做法去做
用史雲生湯加一粒完熟蕃茄磚再加個面，試下味先，結果.............超似罐頭羅宋湯味.........................失敗!!!
第二次整係用了以下東西:
半煲水水滾加左二個蕃茄去皮切成小粒
瘦肉一舊
完熟蕃茄磚二粒
雞粉小許
茄汁小許
薯仔及紅蘿蔔各小許
今次味道無咁罐頭羅宋湯味，本來很酸, 加了茄汁味道好了少少, 味道雖濃, 但非常之杰加埋個面
變左撈面, d湯係汁唔係湯, 但加水又會變淡...家人吃了話好味, 但我覺得同口福小廚的味道還欠缺一些東西
今次加了的是米粉，純粹要弄好湯底 !
湯用唔哂，再來一碗，今次在雪櫃找點餸, 似返碗面，隔了一晚湯未見變入味....
太杰要再加水開稀，淡左再加半粒完熟蕃茄磚，以下就係製成品 !
今次是公仔面，湯太杰了, 加水又怕變淡, 有無高人指點下我呢????
味道其實都算合格有餘, 但希望可以整到超好味咁囉.....
有邊位美女知道點整好味d, 同埋知道口福小廚去左邊 ?
記得留個言話我知啦 !!
分享完畢, 喜歡就推下我啦, bye !!!
