這幾天落雨落到倒水咁......星期五晚的超級無敵大雨淋到阿律作病 !!
搞到我都無心機寫blog !
身體充滿寒意,正好來一碗"薑" !
薑唔單正用來煮餸,聰明的中國人都發明左很多唔同「薑」的食物
生完bb的婦女食的薑醋, 作感冒時的薑茶,紅糖煲薑水等等
這些食物的作用都要把身體上的風寒驅除 !
古代有句說話 : 「早上吃薑,勝過吃參湯」
即使你不是生病,早上喝薑水能提升你的陽氣,成日精精神神, 生病減少自然有好氣息 !
點解要早上食??
因為一天之中有陰陽之分,從午夜開始,自然界的陽氣逐漸上升,至中午陽氣最旺,氣溫也最高;午後陽氣逐漸衰弱,直至半夜陽氣最弱,此時陰氣為最甚;午夜過後,陽氣逐漸恢複。
所以平時吃凍野, 最好在中午時分食, 因那時人的陽氣最盛 ! 無咁傷身 !!特別有水腫想戒凍野的姊妹 !!
好想食凍野時最好中午時間食 ! 濕氣無咁勁 !
薑其實係有咩用??
生薑是一種防治疾病的常用藥物。據《神農本草經》記載,生薑性味辛溫,入肺、脾、胃經。有解表散寒、溫中止嘔、化痰止咳、祛痰、祛寒、補氣、平喘的作用。常用來治風寒感冒、胃寒嘔吐、寒痰咳嗽。據現代藥理研究,生薑含有薑醇、薑烯、水芹烯、薑辣素等多種成分,具有解熱、鎮痛、抗炎、鎮靜、催眠等作用,能消炎、散熱、發汗,緩解流鼻涕等感冒症狀。
講到咁複雜明唔明?? 好簡單, 如果你係寒底都啱食薑,最好早上至中午吃, 因它是屬温性,如果你是熱底你應問下你的中醫師 !
阿律很了解自己的體質及看很多資料,所以介紹下d姊妹咁 !!
今次做了一個超簡單的養生暖胃蕃薯薑粥食譜,又係蕃薯? 剛巧比我發現家中還有蕃薯,唔好浪費, 就整這個吧 !!
早上吃粥其實很有益架, 又可暖暖胃及清清腸胃,又容易消化, 加上薑又可增加陽氣驅寒意, 再加蕃薯對腸胃有益 !!
先洗米, 一人份量只需四分一"殼",記著唔係煮飯, 用咁多米十世都未煲好 !!
洗完放入煲中, 水分量為以下咁多, 水滾後唔夠水再加水 !
切薑,想辣d可放多d,我用的份量用四片,切後用菜刀拍扁, 唔夠力用刀柄壓扁, 幫助薑出味 !!
雪櫃找到日本蕃薯,落埋去粥煲蕃薯粥,大人細路都啱食 !! 先洗乾淨 !
然後切粒 !! 皮可唔洗去, 可食的, 生蕃薯去皮較難 ! 所以食埋佢 !
米和薑都是凍水落, 開火煲,唔夠水加水, 煲到米開花差不多變成粥時,
可放埋蕃薯 ! 再煲,直到蕃薯林為止 !
煲粥時間較耐,差不多用了一小時有多 !!
記住要睇火, 好易滾瀉架 !!
食得 !!
養生暖胃蕃薯薑粥煮法雖然超易, 但時需時很長 !!
早上煲薑水又怕煩, 唔緊要 !
阿律有以下的推介, 登登登 !! 薑粉 !!
要飲用它的方法很易, 加攪奶茶的小匙羹的份量一羹左右,加熱水就可飲了
這薑粉很勁.....放少許都很足夠 !!
味道當然好辣, 同無味, 想好味d可加d蜜糖,或加小許紅糖
這樽薑粉好抵飲,今年年頭買,飲左好多次都仲有好多未飲完....
價錢好似九十幾蚊,好野推介 !!
希望大家喜歡我的分享 !! 想重温以往阿律滋陰補腎文章,可click 以下 !! bye !!
簡易超級抗氧化養生早餐教學,你也能做!!
http://www.theztyle.com/blog/space.php?uid=26040&do=blog&id=54458
食左可以減走假肚腩,皮膚滑溜溜的養生早餐!
http://www.theztyle.com/blog/space.php?uid=26040&do=blog&id=56858