香噴噴的香蕉面膜你試過未?

早前有朋友去完韓國買了這些手信比我

就係innisfree 這品牌的面膜，其實我都唔知香港有無得買架

不過見幾得意介紹比大家

阿律收到有以下這幾款:

有牛油果啦, 生菜啦，杏仁和香蕉

每款都有唔同功用既
今次先介紹天然精華面膜（香蕉）
它可以為粗糙無彈力的皮膚提供活力和營養，改善膚質的香蕉面膜
一開包裝真係聞到很香的香蕉味
哈，這味道令我想起小時候玩的香蕉貼紙

很喜歡面膜質地很薄，很貼面，面膜剪裁大細很好，也很啱位
面膜的精華素很多，敷完面部皮膚很水潤和彈性
非常之值得推介 !!

喜歡此BLOG就推下阿律啦, 88

可愛的粉紅色面膜，敷的時候心情都靚D

APIVITA面膜阿律真係好多存貨

今次試用這包粉紅色的Apivita express beauty with Pink Clay 是深層清潔面膜

粉紅色的面膜真係第一次用

試試好唔好用先

敷的方法都係清潔面部後，就可敷在面上10分鐘左右，一星期用1-2次。

裡面的分量非常足夠，一包其實都會用剩，不過都留唔到，唯有搽哂上面

唧出來的面膜顏色的淡粉紅色，質地很"杰"，有小小香味，味道很好

厚厚的搽上面。

其實十分鐘時間都不會乾得哂，唯有待多五分鐘。

敷完塊面好乾淨，通常敷完深層清潔都好乾
但它完全沒有這清況，讚 !!
推薦度 : 滿分 !!
分享完畢, 88

第一次敷好像魷魚質感的面膜 !

天氣日漸乾燥，勤力敷MASK係必需的

今次試用METHODE SWISS Thermal Oxygen Soothing Bio-Cellulose Mask 溫泉注氧舒緩生物纖維面膜

只需敷用1次，效果即時呈現，肌膚回復健康亮澤、水漾柔軟

這盒面膜價錢都不便宜，四百幾得四塊

真係唔努力賺錢都唔得

METHODE SWISS 是徐子珊做代言人, 不知大家對品牌有無印象呢?

 

 

轉季時分，肌膚特別容易出現缺水及敏感問題，瑞士Méthode SWISS 科研中心為特別敏感脆弱的肌膚推出這METHODE SWISS Thermal Oxygen Soothing Bio-Cellulose Mask 透過4重獨特配方，全天候修護肌膚，舒緩各種敏感現象，同時為肌膚提供源源的水份。

 

點解阿律說它質感像魷魚呢? 因為它是生物纖維面膜，它有咩好處?

Méthode SWISS溫泉注氧生物纖維面膜的質地獨特，如啫喱狀般柔潤貼服，相比一般面膜，更具備以下好處：

 高效、安全、低敏性

 生物纖維直徑是一般面膜纖維的500份之1，仿如納米般，可以吸附更多精華液

 比一般面膜含水量高，不容易乾掉，更有效導入活性護膚成份，持續保持肌膚於水潤狀態 

 比一般面膜更貼面、觸感更柔軟及舒適，不會輕易滑落

 

 

阿律親身試用後，塊面膜好膠, 有彈性，質感好像生的魷魚咁，好似有吸力貼身面部

這種質地的MASK真係第一次試

 

MASK的SIZE啱啱好，不會太大塊，很貼面



也不算有很多泡泡的地方
它不像平時PAPER MASK 多精華時會滴水，但它又有精華在內呢，敷完塊面好滑，也很保濕!

不過價錢略貴，大把錢既你就要買啦 !

 

88

阿律養生文~簡易秋冬補品!讓你有個暖笠笠，面色靚靚的冬天

阿律又發養生文!

如想看阿律其他的養生文，可到此

http://www.theztyle.com/blog/space.php?uid=26040&do=blog&view=me&classid=1121

 

秋天已經來到，身體吸收補品的最佳時候

女人除了要注重外表的保養，內在的調理同樣重要，只要兩者配合才可令皮膚長期保持最佳狀態

女人要血氣夠, 阿律平時都會飲開一些藥材調理身體，今次阿律寫一款覺得飲左會好面色，而且又晚上好瞓又日間又精神的補品

材料是一些藥材包括有北芪、黨參、南棗和杞子

以下的分量是一人份量

 

 

它們有什麼功用呢?

下圖這塊就是北耆，扁扁的，好像一塊木片咁

北芪為豆科植物內蒙黃蓍、膜莢黃蓍或其他同屬相近種植物的根。北芪性甘，微溫，入脾、肺經，有補氣固表，托毒排膿，利尿，生肌的功效。北芪含粘液質、澱粉、糖分、蒽醌類化合物、多種氨基酸、維生素等成分。藥理研究證明，北芪能提高機體免疫功能，增強人體抗病能力。另外，北芪還有抗菌、降壓、抗衰老、麗容顏、強精力的作用。北芪益氣升陽，固表內托，且能利水退腫的作用。

 

 

下圖這條就是黨參, 好似一條木條咁
黨參是常用的補氣中藥。據分析，黨參含有多糖、葡萄糖、果糖、蔗糖、磷酸鹽和17種氨基酸，其中包括賴氨酸 等7種人體不能合成的必需氨基酸，此外還含皂甙、揮發油、脂肪和鉀、鈉、鎂、鋅、銅、鐵等14種元素。黨參性平、味甘，入脾、肺經，具補中益氣、和胃養血等功效，因此黨參最適宜平時倦怠乏力、精神不振、自覺 氣短，稍一活動就喘氣的氣虛患者。同時黨參也適用於氣血兩虛、面色蒼白、頭昏眼花、胃口不好、大便稀軟、容 易感冒的病人。

下圖黑麻麻那三粒的是南棗
女人要血氣夠，用南棗來補氣血就最好、也有養肝、和胃滋潤的效用
阿律愛用南棗，因為它沒有紅棗那麼燥熱，人人體質不同吧，阿律一飲紅棗會好似作病咁, 喉嚨痛 !
但南棗就沒有這問題，南棗洗乾淨就咁食都得。

杞子有明目養顏, 抗衰延齡, 滋補益壽, 補腎益精的功效

點煲? 只要把材料用水浸一浸，清洗一下

想藥材更出味，阿律會把南棗剪開。

用三碗水煲埋一碗，如果想分二日飲即二杯，可加多點水煲，不過會稀一點。

三碗水的分量大約咁多吧，藥材凍水放，開火水滾後再中火煲大約半小時已經變了一碗水了
人人家中的爐當然不一樣，要睇火 !

半小時後，就變成這樣子了!~~

登登登! 話咁快就完成了! 味道甜甜地，因為有杞子和南棗吧，其實可放瘦肉加鹽變湯水既
不過，我懶呀...要簡易嘛!

這個小補品雖然不算超勁補身藥材，不過有感冒, 發燒，本身體質燥底的人和血壓高就不啱飲啦
這個北芪黨參南棗杞子煲水純粹阿律分享
最啱你自己飲的, 當然要請教你的中醫師
分享完畢, 喜歡的就推下阿律吧
88

血拼JILL STUART

話說阿律一直覺得JILL STUART Mix Blush Compact 的胭脂幾好用而且香噴噴

仲用到見底tim..........(慳家律)

本來只買回一盒新胭脂既, 結果........就變成咁了

見到它這麼美和可愛的包裝，教人如何不想擁有呢?

今次試下用JILL STUART BLUSH BLOSSOM，裡面的網狀設計好特別, 不過用了幾天覺得唔好呢
因為很容易一掃掃很多胭脂在胭脂掃上，而且胭脂掃的鏈子沒有連實胭脂盒，一日唔見野既我
結果日日要找它出來，但值得一讚的是胭脂掃的毛比我以前買那盒柔軟很多, good 呀

JILL STUART lasting gel eyeliner 經常看到雜誌常常介紹，試下^^

這盒JILL STUART Jewel Crystal Eyes 阿律已經想擁有很久，嘻!!

很愛這盒JILL STUART Jelly Eye Color N 的顏色，淡淡的粉紅，一見愛上

最後再販埋 JILL STUART prism carat eyes 回家，SO GOOD !  
分享完畢
88

愛自己多一點，買支貴D 既 DIOR Capture Totale Eye Essential 眼霜

年紀大左，真係好重視眼部皮膚的保養

因為眼部好易看出你的年紀

以往都係好注重面部保養，較少埋會眼部皮膚,

一向都是用開普通的眼霜，今次介紹這支

DIOR Capture Totale Eye Essential 完美活膚眼部要生素

它深入眼部底層幹細胞剔除毒素，透過激發連鎖反應，驅動細胞更生，改善眼部所有疲累跡象如暗啞、黑眼圈、浮腫，亦可令肌膚回復原有的自然抗禦能力，改善老化跡象如皺紋和肌膚鬆弛等，令肌膚煥發青春力量。

白色乳霜狀的眼霜, 非常水凝柔滑易推，我會以點按方式輕輕塗上，眼霜瞬間被肌膚吸收
其實每次只輕輕按一下的分量，都足夠給眼部肌膚去搽了

很喜歡眼霜質感清爽舒適，不會"笠次次", 阿律本身油眼人，塗後都可很快上到妝，
現使用一星期，都不覺眼部出現油脂粒，GOOD 呀 !

使用一星期後覺得眼部皮膚無咁暗啞，光澤了一點
而且很愛它的清爽感覺
效果令人滿意
分享完畢
推下阿律支持下啦 !
88

秋冬必入的保濕面膜 ! I Love APIVITA !

阿律真係係APIVITA的粉絲, 早陣子入貨了這盒

APIVITA Express Gold Firming & Regenerating Mask with Royal Jelly 蜂皇漿緊緻活膚面膜

因為阿律以前用過Honey 那一款, 覺得好潤好保濕

本來只想回購那一盒

經售貨員介紹之下，APIVITA Express Gold Firming & Regenerating Mask with Royal Jelly 仲保濕和營養豐富過HONEY

講到咁正點會唔買來試

它有咩好?

它可幫助細胞回復, 增加皮膚彈性，使用後皮膚回復光澤和年輕

而且蜂皇漿營養豐富，和多種維他命，對皮膚真係好好

唧出來分量十足，一包包你夠用，面膜顏色呈米白色，味道很香，沒有蜂皇漿的怪味

塗完整塊面都有很多剩下，不過都唔好浪費，搽幾厚有幾厚 !

敷在面上十分鐘可沖洗，不過我都不會咁快沖水，起碼一小時才洗面
我最愛這面膜係沖洗式，很方便又不會滴下來，而且每次敷完都非常上妝
敷完這蜂皇漿緊緻活膚面膜，感到皮膚真的好潤和充滿彈性
而且相當保濕
真係要推介比大家 !

分享完畢
88