我一向都好滋陰補腎架...
所以凡吃的,都很注重
為了要抗衰老,永遠保持靚樣
現在就吃這個養生早餐為早餐
好過起身吃又甜又有奶又有麵粉的麵包/蛋糕,好過去吃餐肉公仔麵
我吃的養生早餐係咩呢? 登登登 !
就係這碗東西 !! 賣相雖然唔多吸引,但樣樣材料都係好野嚟 !包保日日食,必能青春常註 !
等我教大家點做啦 !
材料要一包麥片,這包係係CITYSUPER買既
要認住這包叫MR BUMBLES QUALITY MUESLI,因這包先有唔同種類的果仁 !
很大包,日日食可吃十日啦,最鍾意這包麥片係有果仁,d果仁好有益架,食左皮膚靚d同抗氧化架 !!
同埋抵D, D NUTS 貴架嘛,這包無記錯係$42左右 ! 即一天$4.2 ! 抵啦 !!
早餐吃麥片既好處就係可通便便,高纖低脂高維生素 B 群食品,D便便暢通D,
毒素都少D, 皮膚都靚D !!
裡面有咩果仁呢?? 包括有杏仁、榛子、巴西果仁、花生、葵花子,等我介紹下頭三樣有咩好處 !
杏仁的抗氧化及抗衰老功能非常出色,它是維他命E的寶庫,1安士的杏仁就可以滿足每天6成維他命E的需求,預防自由基令細胞老化,延緩衰老。另外,杏仁含優質蛋白,讓皮膚柔嫩有彈性,有養顏的作用。
榛子營養極豐富,維他命B1、B2、E等含量豐,並蘊含多種人體所需氨基酸,能有效地延缓衰老,防治血管硬化,润泽肌肤的功效,可抗癌,對視力有幫助。中醫認為榛子可補脾胃、益氣,對腎臟亦有補益之效。
巴西果仁含豐富硒,這種人體需要的微量營養,增強免疫能力。新西蘭研究發現,每日進食一粒巴西果仁,已足夠供應每日所需的硒。但不可多吃,有抗氧化同抗癌的功效。
大家見到碗野好似唔多好味咁,其實個味道可自己較,
如果想個養生早餐好味d既,可用低糖豆漿或米漿(米漿出面大多數都含糖份,無糖既真係未見過, 但誓死不用牛奶)
今次咁啱用了米漿,係見佢減價買來試試, 但糖分也多,不要跟我喔 !!
如想食個超養生早餐就用無糖黃豆漿or黑豆豆漿(自己用豆漿機自制既就最好)
無糖豆漿可出街買,但係之前買過超快壞....
唔想煩既就用熱水啦,無味姐!!
倒出自己想吃的份量,加熱,晨早留留唔好飲凍野..
之後加入麥片,再加黑芝麻粉,我用馬玉山這牌子,
喜歡佢100%黑芝麻,大約$50咁大樽,抵啦 !!
黑芝麻含豐富維他命、蛋白質、鎂、鈣、鉀、鱗及鐵質,吃左可烏髮
好驚有白頭髮架 !! 真係要日日食 !!另有排毒及美膚養顏尤為見效。
我大約加以下兩羹 !!
再加松子仁和杞子
松子仁同杞子係一些超抗衰老既食物,日日食, 唔會老得咁快 !!
松子仁有“長壽果”之稱,中醫認為有滋陰潤燥、補氣充飢、潤肺止咳、潤膚養顏、滑腸通便的功效。利於抗老防衰,久服輕身不老。
杞子,上次星期二檔案抗衰老果集都有教人食杞子,好有益架 !!
再加肉桂粉來調調味道,香D好食D囉 ! 肉桂的抗氧化能力好高,每茶匙肉桂粉抗氧化指數(ORCA)達6,956,是各香料之冠 !!所以加多d無防架 !!
加哂落去就食得啦 !!
喜歡我這篇BLOG的內容,就幫我推一推啦 !!!
多謝 !!!