又到阿律講下自己的養生之道 !
女生平時應多D補下，唔係好快殘 !!
加上現在踏入秋天
更加需要滋潤下 !
我真係有留意一些常常有飲湯水的女生的皮膚
都係會靚d, 無咁多細紋, 皮膚潤澤d
認識到一位三十歲已為人婦的朋友
返自己娘家和到奶奶家吃飯
都有湯水飲，皮膚超滑 !! 一條紋都無, d皮膚好似十幾歲咁....羨慕嗎?
她喝咩湯水 ?
包括花膠煲雞、花旗參石斛、冬蟲夏草燉雞，燕窩乜乜乜之類....
嘩 !!
好補下喎 ! 仲要唔貴唔食 !
如果你返到屋企打開雪櫃，找一條冬蟲草不是好似找條菜心咁易的話 !!
咁就..........學下阿律的平靚正, 又易整的滋潤湯水 !!
今次整的是花旗參雪梨雪耳圓肉茶 !
阿律整野食的作風是係超易整而又有用，無放肉 !切肉這東西太煩啦 !!
有咩材料呢? 因為阿律在家見到有咩就用什麼去整，家中只有2個雪梨, 煲完先發覺唔夠甜，所以呢...看下面 !
包括 :
雪梨 2 個 (想甜d加多1-2 個雪梨，雪梨本身的味道較淡)
雪耳1 個 (一個夠了, 因雪耳會發開，會好多架，一個夠架啦)
圓肉 15 粒 (想甜些可落多少少)
花旗參 適量 (如覺得喉確確, 可落d花旗參清熱下，花旗參會令湯水變甘但有功效(甜味就少左)
想甜甜好味可唔放花旗參的)
之後點整, 真係超EASY !
把以下的圓肉及花旗參放在筲箕中沖沖水, 唔好浸, 花旗參和圓肉會無哂味 !
雪耳用水浸，待它發大和去沙
然後把雪耳反轉，把背面的部份剪去
再剪開一舊舊, 洗下浸下, 因為有沙的 !
把雪梨連皮切開, 芯唔要。
整好哂，可放半煲水，把所有材料放哂入煲就可以，水滾後煲一小時就完成 !!
係咪超EASY 呢?
登登登 !! 完成了 !!
雪耳係平民燕窩嚟，食多D皮膚靚D架 ! 進入秋冬，正是適宜吃雪耳的時節。雪耳味甘性平，
含有一種很有益的植物膠質及豐富的蛋白質、維他命、氨基酸、粗纖維、碳水化合物等成分，
故能治咳嗽、生津滋養、滋陰潤肺，促進皮膚血液循環，加強細胞新陳代謝，有美白、滋潤皮膚之效用。
仲有圓肉即龍眼肉有養血安神，可以令你好瞓D、仲有潤膚美容作用!
係咪好正呢? 咁簡單就有咁多功效，得閒就整來飲下啦!
喜歡我這篇內容就推薦下阿律我啦, BYE !!
沒有留言:
張貼留言