好多日無出BLOG, 實在太BUSY....
等我講回我之前去北京的行程,講左DAY1-2 , 繼續去片 !!
想看回Day 1, Day 2, 可按下面
這天一起身已經差不多成十點十一點
起身去吃午餐都差不多
今日的午餐去一間超抵的北京菜的食店
味道相當好,超正呢 !
店舖名字叫 : 京尊烤鴨店
位於东三环双井双花园南里
裡面都幾靚架 ! 酒樓的格局 !
有咩食呢 ! ?
有口水雞,都幾辣,奇積地我食到啵 !
有勁似中華沙律的東西,唔記得佢地叫什麼了 ! ~
炒酸辣土豆絲,勁好味 !!
黃金南瓜條,好好味, 甜甜地, 外面係用黏左蛋黃去炸,好好味架 !!
鵝腸~~ 叫了不辣,如果這個係辣既會仲好味 !! 綠色那些是莞茜,夾埋D鵝腸吃好好味 !
去到這時候已很飽, 仲有辣辣四季豆,正正 !
間店舖話明叫烤鴨店, 點會唔叫北京填鴨呢?
片好哂比你, 這隻烤鴨好平,六十蚊人仔,成隻喎 !當然連埋d配料啦, 好抵 !
如果唔係食到咁飽,我可以一人吃哂隻北京填鴨! ^^
放勁多醬更加好味 !! 其實......我很喜歡吃北京菜架 !
四個人食以上的東西,食到飽到嘔咁滯,都係230蚊人仔,超抵 !!
香港有間就好,必成為我的飯堂 !!
食完野,就去行789藝術中心
那裡是一條街裡面分很多橫街,當時温度起碼有成38度, 所以呢........都幾吃力....
沿途有地攤擺賣, 都係d藝術野,有些是售賣一些特色飾物
入口附近放了很多藝術品 !
在這門牌入去有些店舖和可參觀裡面d特色東西
裡面有間店舖,個感覺有點似logon那仲吧,有d文具架,衫呀, 袋, 飾物買, 仲有d送禮的心意東西等等....
下圖係燈嚟,幾靚好有特色 !
這店舖有冷氣涼, 好舒服架 !! 之後行的店舖都無冷氣既.........熱到呢........
所以無乜點影到相....臨走前都影左d出面既藝術品
下圖....真係好核突......好似外星人.....
去完這裡,就去左西單,西單係一個好似旺中既地方,d野好平架
d衫偏向靚妹啦.........都有d啱我既, 可講價 !
因為時間太趕啦,掛住睇野一張相都無影過....嘻....之後再去食野lu.....
撘左好耐車先去到這間店,係吃燒羊比,不過唔記得太間店叫xx熊....
要問返人.....資料後補.....
見到張相吉實成隻比好似有d殘忍呢.....不過這間小店的羊比係超好吃
爐係碳爐,自己切d肉去鐵絲網燒,再加佢地d調味料,d調味料全部都係香草的東西
同羊比的味道超夾, 好味到暈....
在北京很多這類食肉獸店....阿律平時吃很少肉架
今次同d 朋友一齊先可食d好野 !!
還有一些小食比你食下,有蘿蔔,青瓜, 豆干面條, 仲有d花生咁!!
食完野,就回去, 沿途經過一個新商場世貿天階,商場外有個大天花營光幕, 好勁.....超大大大大大
有幾大? 有5個游泳池大, 總長250米、闊30米
因為奧運,北京先有咁多勁野出嚟, 當然北京咁大地方, 起咩都得啦 ......
從傍晚六點開始,每半小時便有影像播放,時而海底世界,時而天降隕石,震人心弦。
找到另外一些圖片, 可看以下網址 :
http://2008.on.cc/beijing_play_5.html
第三日就係咁啦, 當天在藝術中心和西單都買左d東西啦,
手信篇遲d再分享....
喜歡我這篇介紹北京之旅就推下我啦 !! bye !!
沒有留言:
張貼留言